Layung beureum geus reup-reupan
Pucuk pandan ting garupay
Kasilep ku cahya perak
Gado Bangkong kantun sapotong
Geus gorowong
Sakedapan pamayang tarik jangkar
panerus sukma nu ngangluh
Ngacacang milang patromak
nu rambang na tonggong Sagara
Duh guligah
sedeng langit beuki hideung
kaayaan beuki keueung
anjeun anu dipitineung
lawas teu pateupung
kieu rasana dikantun ka bale nyungcung
nyanding peuting
Sagara oyag ombak-ombakan
Silih tembalan
Angin leutik ngadalingding
Ngendagkeun pucuk-pucuk hate
Duh, mawa simpe
Basisir Ujung Genteng, ayana di Desa Cipaku Kecamatan Ciracap, Kabupaten Sukabumi.
Basisir anu masih keneh asri jeung alami can keuna ku pangropea manusa.
Lamun urang pirajeunan ngulampreng atawa diniatan pakancian ka ieu basisir, bakal disuguhan ku keusik nu nyacas tur lega. kira-kira 2 km ka beulah kulon urang baris manggihan amparan keusik bodas nyacas, anu kiwari katelah Penakaran Penyu Hijau.
Hayu urang jaga tur raksa ngarah Banda alam Sunda tetep mere lana marengan!
Postingan
